كتبت/أشرقت محمد
تداول رواد موقع التواصل الإجتماعي بوست للفنان تامر حسني من “محمد القاياتي” شاعر أغنية “مابطلناش إحساس”
وحيث قال محمد القاياتي ” في مطرب و في فنان و في نجم و في أسطورة و في ((تامر حسني))، الراجل دة بمنتهى الامانة و الصدق انا ماقابلتش حد زيه في حياتي .. في كل حاجة بمعنى الكلمة .. انا بكتب دلوقتي و انا الكلام تايه مني و مش عارف اختصر ولا عارف انا المفروض اقول ايه ولا ايه بس بجد ربنا عدل.
وأضاف ” ومفيش حد بيوصل لحاجة الا لو كان دفع مقابلها و اللي انا شفته ان تامر حسني دة شخص (بيتاجر مع ربنا) بيفهم بمنتهى الوعي و الخبرة .. و بيجتهد بمنتهى الروح و التجدد و الطاقة كإنه لسة بيبدأ و لسة ماوصلش لربع اللي هو عايزه .. و بيحلم كإنه لسة في بداية مشواره .. و بيدي لكل واحد حقه كإنه مسئول عن كل اللي حواليه .. بيراعي ربنا و بيفهم يعني ايه تقدير كإنه حاسس و شايف جوا كل الناس و عايش مواقفهم و شاغل باله ازاي يراضي و يشكر و يمدح و يبارك مع انه لو ماعملش كدة ف هو معذور زي اي حد مكانه مشغول بمليون حاجة.
واستكمل “مبهر في كل حاجة لسانه حلو و بياخد منك قلبك من غير مايطلبه .. نموذج للإنسان و الفنان و قدوة و أسطورة .. والله كلامي دة بالتفصيل و شفته بعيني و اقل كمان من حقه و ماتمناش أبدا ان حد يفتكرني بجامل .. اكتشفت دلوقتي انك سهل جدا تتعلم تبقى شاطر او تتعب عشان تحقق حاجة و توصلها و سهل جدا تكسب سباق لكن مش سهل خالص تحافظ على نفسك من فتنة الدنيا و ماتتغيرش بعد كرم ربنا عليك و تفضل حاسس باللي حواليك و شاغل بالك بيهم و تكسب قلوبهم كلهم واحد واحد لدرجة انهم يتمنولك اكتر مابيتمنوا لنفسهم .. انا بدعي للراجل دة من كل قلبي هو و اهله و ولاده و كل اللي يهمهم أمره و يهمه أمرهم .. آسف لو طولت عليكم بس دي كانت امانة و لازم توصل”
